Mwanza – Jeshi la Polisi Mkoa wa Mara linawashikilia askari wawili wa Jeshi la Magereza kwa tuhuma za kuhusika na kifo cha Emmanuel Chacha (18), kati ya Kijiji cha Kisangura.
Kamanda wa Polisi Mkoa wa Mara, Pius Lutumo, ametangaza kuwa askari hao wanashikiliwa katika Gereza la Tabora B, eneo la Serengeti, baada ya tukio hilo lililotokea Machi 31, 2025, asubuhi.
Askari hao, Sijali Hence na Ilinus Mushumbusi, wanadaiwa kuchochea mauaji hayo wakati wa operesheni ya kukamata mifugo iliyokuwa imeingia kwenye eneo la mradi wa ufugaji gerezani.
Katika taarifa, Kamanda Lutumo alisema kuwa tukio hilo lilihusisha askari watatu waliokuwa katika zamu wakikamata ngo’mbe 98, mbuzi watano, na kondoo sita. Hali iligeuka ghafla wakati vijana zaidi ya 20, waliokuwa na silaha za jadi, walipovamia askari hao wakiwataka kuachia mifugo ili wasipelekwe kambini.
Ili kujihifadhi katika tukio hilo, askari walifyatua risasi hewani, lakini risasi moja ilimjeruhi Emmanuel Chacha, aliyefariki dunia akiwa njiani akipelekwa hospitalini.
Polisi inaendelea na uchunguzi wa tukio hilo ili kubaini mazingira halisi ya mauaji. Kamanda Lutumo amewashauri wananchi kuzingatia mipaka ya malisho ya mifugo yao ili kuepuka migogoro isiyo ya lazima.
