Dodoma. Katibu Mkuu wa Chama Cha Mapinduzi (CCM), Dk Emmanuel Nchimbi, amewataka wanachama wasio waadilifu kujiandaa kwa mabadiliko, akisisitiza umuhimu wa kuwa na viongozi waadilifu kama Mwekahazina wa CCM, Dk Frank Hawassi.
Akizungumza leo, Jumamosi Machi 22, 2023, wakati wa ibada ya kuaga mke wa Dk Hawassi, marehemu Damaris Hawassi, katika Kanisa la Assemblies of God Tanzania (AGT) Miyuji jijini Dodoma, Dk Nchimbi aliongeza kuwa kuwa na viongozi waadilifu, kama Dk Hawassi, ni muhimu kwa maendeleo ya nchi.
Katika kuelezea umuhimu wa Dk Hawassi, Dk Nchimbi alisema, "Kabla ya kikao cha Kamati Kuu, nilimjulisha mwenyekiti wetu juu ya maendeleo ya mke wa Dk Hawassi, na kusema kuwa alikuwa amemhudumia kwa zaidi ya miezi sita." Aliweka wazi kuwa Rais Samia Suluhu Hassan alikubali Dk Hawassi kuendelea na wajibu wake wa kumhudumia mke wake hadi apate nafuu.
Dk Nchimbi alisisitiza mchango mkubwa wa Dk Hawassi katika chama, akisema, "Wakati Dk Hawassi hayupo, mchango wake umethaminiwa na kuonekana na wanachama wote wa CCM."
Aidha, Dk Nchimbi alionya kwamba wanachama walionao tabia zisizo za kiadilifu wanakabiliwa na changamoto kutokana na utendaji wa Dk Hawassi. "Tunamwandaa Dk Hawassi kuwa mfano wa viongozi wa aina yake, na kazi inaendelea vizuri," alisema.
Kwa upande wa mafanikio ya chama, Dk Nchimbi aliongeza, "Kudhibiti rasilimali za chama kutasaidia katika usimamizi bora wa rasilimali za nchi kwa ujumla."
Makamu Mwenyekiti mstaafu wa CCM, Abdulrahman Kinana, alitambua uadilifu wa Dk Hawassi, akisema, "Hawassi ni mfano bora wa tabia njema na ni mtu wa kusifika."
Kapteni Mstaafu John Chiligati, kwa niaba ya wadhamini wa CCM, alielezea mchango wa Dk Hawassi katika kuanzisha mfumo wa control number ili kuboresha malipo ya chama. "Mfumo huu unadhibiti uvujaji wa mali za CCM na kuongeza mapato, hivyo lina baraka zetu," alisema Chiligati.
