Kesho, Machi 18, 2025, Simba Queens na Yanga Princess zitakutana kwenye Uwanja wa KMC Complex, Dar es Salaam, kwa mchezo wa kusisimua wa Ligi Kuu ya Wanawake Tanzania Bara.
Timuhizi zinatarajia kushindana vikali, ambapo Yanga Princess inapania kulipa kisasi kutokana na kipigo cha bao 1-0 katika mechi ya awali, wakati Simba Queens ikihitaji kuendeleza ushindi dhidi ya wapinzani wao kutoka Jangwani.
Simba Queens inaongoza ligi kwa sasa ikiwa na alama 34, huku Yanga Princess ikishikilia nafasi ya tatu na alama 24, huku timu zote zikiwa na michezo 12 iliyochezwa.
Kocha mkuu wa Simba Queens, Yussif Basigi, amesisitiza umuhimu wa mchezo huu na kutarajia ushindi ili kubaki kileleni, ambapo wanatenganishwa na JKT Queens kwa alama mbili pekee.
Kwa upande wa Yanga Princess, kocha mkuu Edna Lema amekiri kuwa ingawa wapinzani wao wanafanya vizuri, wamejizatiti na hawana presha kabla ya mchezo huo wa kihistoria.
