Chama Cha ACT Wazalendo kimejipatia umaarufu kwa msingi wake na sera inayolenga kulinda wanawake dhidi ya unyanyasaji wa kijinsia katika siasa na jamii.
Katika hafla ya maadhimisho ya Siku ya Mwanamke Duniani Machi 8, 2025, iliyofanyika jijini Dar es Salaam, Kiongozi wa Chama hicho amesema kwamba wanawake wanachukuliwa kama nguvu muhimuhimu katika kujenga Taifa na chama cha siasa.
“Tumejizatiti kuwa chama kinachoheshimu nafasi ya wanawake na kuwatazama kama sehemu muhimu ya maendeleo ya Taifa na siasa zetu. Hatuwatazami wanawake kama sehemu ya kusherehesha au kupiga kura pekee,” amesema Kiongozi huyo.
Ameeleza kuwa kutokana na kuthamini nafasi ya wanawake, sera yao imeweka usawa katika maamuzi muhimu.
Pia, amewataka wanawake kote nchini kuungana na kudai mageuzi na haki zao bila kujali tofauti zao za kisiasa, hasa kuelekea uchaguzi mkuu.
Kiongozi huyo amewhimiza wanawake kujitokeza kwa wingi kugombea nafasi mbalimbali za uongozi kupitia vyama vyao na pia amesisitiza umuhimu wa wananchi kujiandikisha katika daftari la kudumu la wapiga kura ili waweze kushiriki katika chaguzi zijazo.
Katika wiki ya maadhimisho hayo, chama hicho kimefanya shughuli mbalimbali ikiwemo tamasha la wajasiriamali, michango ya damu, elimu kwa wanawake, na uchunguzi wa saratani ya matiti na kizazi.
